Olga Cuervo enseñará bones costumes na segunda entrega de La Reciella de La Factoría na Rede

Olga Cuervo enseñará bones costumes na segunda entrega de La Reciella de La Factoría na Rede

Publicado el 14 de Abril de 2021
Esti sábadu, 17 d'abril, dende les 11.00 hores

Presenta "Xintar, llimpiar y baillar", nel que los cuentos deprenderán a neños y neñes a llevar una vida sana. Podrá descargase na páxina web de la Estaya, www.llinguaviles.com; asina como na revista dixital de la Fundación Municipal de Cultura, www.avilescultura.com, nes redes sociales del Conceyu y na plataforma dixital PlayPresta.

La Reciella de La Factoría ciclu 2021. La Reciella de La Factoría ciclu 2021.

La Reciella de la Factoría na Rede vuelve n'abril con una nueva actividá destinada a neñes y neños, que se va poder siguir de forma telemática. Olga Cuervo va deprende-yos delles costumes de vida sana, gracies a los cuentos, esti sábadu, 17 d'abril, dende les 11:00 hores.

"Un día entamé a sentime mal... Taba percansada y nun tenía ganes de nada. Fui al médicu, y diome tres conseyos que me ficieron meyorar....". Asina entama Xintar, llimpiar y baillar, la historia de la que la polifacética Olga Cuervo vuelve a La Reciella de La Factoría.

Los cuentos prestosos, les histories que texe l'artista, van convertir a neños y neñes en protagonistes, mientres que deprenden lo importante que ye tener bones costumes pa llevar una vida sana y activa.

Podrá descargase dende les 11:00 hores del sábadu, na páxina web de la Estaya de la Llingua d'Avilés, www.llinguaviles.com; na revista dixital de la Fundación Municipal de Cultura, www.avilescultura.com, les redes sociales municipales y la plataforma dixital de contenidu asturianu, PlayPresta. 

La Reciella de la Factoría cumple seis años, ente les sos versiones presencial y na so modalidá d'anguaño virtual, por culpa la pandemia. De baldre y bien afayadizo too, pa pasalo bien, y deprendiendo llingua asturiana pa lo más piquiñino de la casa. Cuentos, histories y marionetes coles que facer espoxigar el maxín y al tiempu deprender.

 

Programa

  • 20 de mayu. Mitoloxíes, con Carlos Alba.
Imprimir

Próximos eventos